Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3285 wande er was lanc unde grôz,
        des er vil gerne genôz
        an den phenningen.
        dâ wart ein kurzez dingen:
        si hiezen in im gelten sâ.
3290 nû bâten si in dâ
        den wirt selben gellen.
        do begunde er in zevellen,
        daz si ez alle sâhen an.
        dô vant der schatzgire man
3295 den slüzzel in sînem magen,
        von dem ir ê hôrtet sagen,
        dâ er Grêgôrium mite
        beslôz mit unsüezem site
        vor sibenzehen jâren ê
3300 unde warf in in den sê
        und sprach, ze swelher stunde
        er den slüzzel vunde
        ûz des meres ünde,
        sô wære er âne sünde.
3305 dô er in in dem vische vant,
[ zurück ]