einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec1726 dô si zer tür in gie,ir schœnez antlütze gevie der wünneclîchen varwe mê und wart schœner dan ê: ei wie wol ez ir gezam 1731 dô ir varwe wandel nam! von grôzer schame daz geschach: wan si nie mê gesach sitzen ensamt sô manegen helt von ganzen tugenden ûz erwelt. 1736 dô diu maget in gie, von ir schœne erschrâken die zer tavelrunde sâzen sô daz si ir selber vergâzen und kapheten die maget an. 1741 dâ enwas dehein man, ern begunde ir vür die schœnsten jehen die er hæte gesehen. der künec gegen ir gie: bî der hant er si vie, 1746 vrouwen Ênîten, |