einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6883 vundens an der kampfstat.her Gâwein, der sich helen bat, der hete sich selben sô verholn und hete sich vor enwec gestoln, und hôrten in des alle jehen,6888 ern möhte den kampf niht gesehen von ander unmüezekheit. alsô heter sich entseit, und hete sich wider gestolen dar mit vremden wâfen alsô var6893 daz in dâ niemen ân die maget erkande: der het erz gesaget. Nû saz dâ der künec Artûs unde von sînem hûs sîn massenîe gar,6898 die gerne wolden nemen war wie dâ wurde gestriten. nû kam ouch dort zuo geriten diu juncvrouwe und her Îwein. der lewe envuor niht mit in zwein6903 (den heter under wegen lân: |