Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

10028 daz gevilde hie geverwet was
          rôt wîz gel und als ein gras
          von ir sîdînen wât,
          sô si diu werlt beste hât.
          sus emphiengen die von Karnant
10033 ûz Destrigâles lant
          ir herren der wider kam,
          als einem rîchen künege zam,
          in sînem künecrîche.
          dô hâte er sæliclîche
10038 in manegem lande daz bejaget,
          als uns diu wârheit von im saget,
          daz niemens lop stuont sô hô
          under den die eht lebeten dô
          von manlîcher getât.
10043 an sînem lobe daz stât
          daz er genant wære
          Êrec der wunderære.
          ez was eht sô umbe in gewant
          daz wîten über elliu lant
10048 was sîn wesen und sîn schîn.
[ zurück ]