einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec1455 diu reise wart niht mê gespart.vrouwe Ênîte urloup nam, als einem kinde wol gezam, vil heize weinende, ze rîten in ellende 1460 von ir lieben muoter. diu sprach: "rîcher got vil guoter, dû geruoche mînes kindes phlegen." mit triuwen langer wart der segen. nû errahte daz scheiden 1465 manegen trahen in beiden unde dar zuo ir vater. unsern herren got bater daz er ir müeste walten. Êrec sagete dem alten, 1470 swenne im sîn bote kæme, swaz er von dem vernæme, daz er dar nâch tæte: wan er den willen hæte ze tuone sîner armuot buoz. 1475 dô neic er im an den vuoz |