einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9697 umbe selhe missewendediu ir manne dô geschach. als si vrouwe Ênîte gesach dort sitzen unde weinen, nû begunde si dô bescheinen 9702 ein wîplîch gemüete. ir vil grôziu güete betwanc eht die süezen daz si si muoste grüezen, swie doch jener swære. 9707 manec wehselmære sageten si dô beide von liebe und ouch von leide und geselleten sich dâ mite nâch wîplîchem site. 9712 von lande und von ir mâgen begunden si dô vrâgen und sich mit rede engesten und sageten swaz si westen. ze künde rechenten si sâ 9717 daz si genifteln wæren nâ. |