Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2658 under sêle und under lîbe.
        wan swaz dem lîbe sanfte tuot,
        daz enist der sêle dehein guot:
        swâ mite aber diu sêle ist genesen,
        daz muoz des lîbes kumber wesen.
2663 nû liten si beidenthalben nôt:
        daz was ein zwivaltiger tôt.
         Diu vrouwe ûz grôzem jâmer sprach,
        wan si den jâmer ane sach:
        'ouwê ich vervluochtez wîp!
2668 jâ kumbert maniger den lîp,
        daz des diu sêle werde vrô:
        dem geschiht ouch alsô.
        so bewiget sich manic man und wîp
        der sêle umbe den lîp
2673 und lebet in dirre werlde wol.
        nû enmac ich noch ensol
        mînem lîbe niht des gejehen
        des im ze guote sî geschehen:
        ist mir diu sêle nû verlorn,
2678 sô ist der heize gotes zorn
[ zurück ]