Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2714 hie erzeicte sîne hövescheit
        her Gâwein der bescheiden man,
        unde ich sage iu war an.
         Diu maget hiez Lûnete,
        diu sô bescheidenlîchen tete
2719 daz sî sô grôzer herte
        hern Îweinen nerte
        mit ir vil guoten witzen.
        zuo der gienc er sitzen
        und gnâdet ir vil sêre,
2724 daz sî sô manege êre
        dem hern Îwein sînem gesellen bôt:
        wan daz er mislîcher nôt
        âne kumber genas
        und dâ ze lande herre was,
2729 daz ergienc von ir schulden.
        des gnâdet er ir hulden.
        wan zewâre ez ist guot,
        swer gerne vrümeclîchen tuot,
        daz mans im genâde sage,
2734 daz er dar an iht verzage
[ zurück ]