einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein2901 nâch êren als ein guot kneht:nû hât ir des êrste reht daz sich iuwer êre breite unde mêre. irte iuch etewenne daz guot2906 michels harter dan der muot, nû muget ir mit dem guote volziehen dem muote. nû sît biderbe und wol gemuot: sô wirt diu rîterschaft noch guot2911 in manegem lande von uns zwein. des volget mir, her Îwein.' Nû versuochter zehant an die vrouwen daz er vant: wan dô sîn bete was getân,2916 done hete sî des deheinen wân daz er sî ihtes bæte wan daz sî gerne tæte. daz geweren rou sî dâ ze stat, dô er sî urloubes bat2921 daz er turnieren müese varn. |