Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

348 ouwê immer unde ouwê,
      waz mir dô vreuden benam
      ein bote der von dem wirte kam!
      der hiez uns beidiu ezzen gân.
      dô muose ich rede und vreude lân.
353 Dô ich mit ir ze tische gienc,
      der wirt mich anderstunt enpfienc.
      ezn gebôt nie wirt mêre
      sînem gaste grœzer êre.
      er tete den stîgen und den wegen
358 manegen güetlîchen segen,
      die mich gewîset heten dar.
      hie mite sô übergulterz gar,
      daz er mich ir nie verstiez
      und mich sô güetlichen liez
363 mit der juncvrouwen ezzen.
      ouch enwart dâ niht vergezzen
      wirn heten alles des die kraft
      daz man dâ heizet wirtschaft.
      man gap uns spîse, diu was guot,
368 dâ zuo den willigen muot.
[ zurück ]