Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

220 ouch ist in bescheinet
      von mannen dicke selher list
      der uns von rehte schade ist,
      swaz man in mit eiden ie gehiez,
      daz man des lützel wâr liez;
225 dâ von unsanfte ein wîp getar
      ir êre wâgen alsô gar
      ûf selhe ungewisheit.
      der zwîvel tuot den mannen leit,
      wan sî fürhtent daz ez ergê
230 alsô dâ vor vil maniger ê
      diu ouch ûf stæter minne wân
      mit grôzer forhte hete getân
      des ir geselle hete gegert,
      der sî lônes dûhte wert,
235 und swenn sîn wille danne ergie,
      daz sî von im ze lône enpfie
      vil ungeselliclîchen haz;
      dô dûhte sî ez verborn baz.
      wan daz ê was sîn flêhen,
240 daz verkêrte sich in ein vêhen;
[ zurück ]