einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage234 der sî lônes dûhte wert,und swenn sîn wille danne ergie, daz sî von im ze lône enpfie vil ungeselliclîchen haz; dô dûhte sî ez verborn baz.239 wan daz ê was sîn flêhen, daz verkêrte sich in ein vêhen; wan in des dehein minne twanc daz er sô sêre nâch ir ranc, ez gebôt im ein bœser muot,244 als er noch vil manigem tuot durch swaches herzen lêre, ûf ein betrogen êre, daz er sich sîn gerüemen kunde. swie manic man ez befunde,249 daz dûhte in êre unde heil. daz er dem tiuvel enteil, sînem altherren, werden müeze - swie ich den fluoch gebüeze - und alle sîne gelîchen,254 der arme zuo dem rîchen! |