einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage268 daz in des valsches wol gezimetdaz er sich dunket rîche sô er ein wîp beswîche und ob er si mac betriegen. der vordes nie gelernte liegen,273 der kan ez danne harte wol sô er ein wîp beswenken sol: er heizet ez eine behendekeit. daz in got gebe leit! sî wendent werltwünne vil,278 von minne manic süeze spil. diu wîp sint dâ von verzaget, und swaz in ieman gesaget, des swerent sî wol einen eit ez wære gar ein lügelicheit,283 und lânt ez dâ von belîben. daz schadet uns an den wîben, daz maniger âne lôn bestât der in doch wol gedienet hât. Des selben hœre ich alle tage288 vil maniges mannes herzeklage |