Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

688 diu lânt dir selten werden wê;
      dû wirst von kurzwîle frô.
      sô enist mir niender sô:
      den âbent und den morgen
      ringe ich ie mit sorgen,
693 dâ enzwischen über alle zît;
      kumber hât mich âne strît.
      Sô dû an dem bette lîst
      und aller sorgen verphlîst,
      sô wache ich und hân ahte
698 vil harte maniger slahte
      wie ich ez bringe dar zuo
      daz sî dînen willen getuo
      und bin ir allez nâhen bî.
      doch ich hie heime in dir sî,
703 ich enkume niemer von ir.
      dâ von ist ez daz sî dir
      erschînet in dem troume.
      nû nim der rede goume.
      Swaz dir troumende geschiht,
708 daz enist ouch anders niht

[ zurück ]