einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7401 gebunden ze einem aste:dô was ez gegangen dan. alsô vant ez dirre man: abe dem aste er ez nam. als daz getwerc wider kam 7406 und ez daz pherit niene vant an dem boume darz ez bant, grôz was sîn ungemach. und als ez daz pherit ersach in vremder gewalt, 7411 dô wart vil manecvalt sîn schrîen und sîn weinen, und begunde wol bescheinen des pherdes güete: mit grôzem ungemüete 7416 wan ez vil starke. driu tûsent marke bôt ez im von golde daz er imz lâzen solde. nû versprach er swaz ez im bôt. 7421 sîner habe was im unnôt: |