Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5090 der er dâ komen solde
        ze helfe umbe mitten tac,
        diu dâ durch in gevangen lac.
        der wirt begund in starke biten
        (daz wær alsô guot vermiten)
5095 daz er dâ ruowen wolde:
        ern mohte noch ensolde.
        dô antwurt er und sîn wîp
        beidiu guot unde lîp
        vil gar in sîne gewalt.
5100 daz gnâden wart vil manecvalt,
        daz er dâ hôrte von in zwein.
        dô sprach mîn her Îwein
        'welt ir mich des geniezen lân
        ob ich iu iht gedienet hân,
5105 sô tuot ein dinc des ich bite:
        dâ ist mir wol gelônet mite.
        mînen hern Gâwein minn ich:
        ich weiz wol, alsô tuot er mich:
        ist unser minne âne kraft,
5110 sone wart nie guot geselleschaft.
[ zurück ]