einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3477 als in die hâten gesehen,als ich iu nû hân verjehen, des lîbes alsô armen, do begunde er in erbarmen sô sêre daz der ougen vlôz3482 regens wîs ir wât begôz. si beswuoren in bî gote und bî sînem gebote daz er si wizzen lieze ob er Grêgôrius hieze.3487 dô er sô tiure wart gemant, dô tet er in bekant daz erz Grêgôrius wære. nû sageten si im diu mære, war umbe si ûz wæren komen,3492 als ir ê habet vernomen, als in des nahtes beiden von gote wart bescheiden, daz er in hæte genant, selbe erwelt und erkant3497 und ze rihtære gesat |