einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6040 daz sî niht selbe nâch iu reit:sî was ûf ten wec komen: êhaftiu nôt hât irz benomen, wan sî leider ûf der vart von der reise siech wart,6045 unde ist alsô under wegen zuo mînem vater belegen. der sante mich her an ir stat: nû bit ich iuch als sî mich bat. sî hiez mich iuch, herre,6050 manen harte verre. sît daz iuch got sô gêret hât daz alsô gar ze prîse stât vür manegen rîter iuwer lîp, sô êret got und diu wîp:6055 sô sît ir hövesch unde wîs. nû geruochet iuwern prîs an iu beiden mêren, den iuwern an den êren und den ir an dem guote.6060 swes iu nû sî ze muote |