Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1447 daz er sî hôrte und niene sach.
        nû buozte si im den ungemach,
        wande sî nâch sîner bete
        ein venster ob im ûf tete,
        und liez si in wol beschouwen.
1452 nû sach er die vrouwen
        von jâmer lîden michel nôt.
        sî sprach 'geselle, an dir ist tôt
        der aller tiureste man,
        der rîters namen ie gewan,
1457 von manheit und von milte.
        ezn gereit nie mit schilte
        dehein rîter alsô volkomen.
        ouwê wie bistû mir benomen?
        ichn weiz war umbe ode wie.
1462 der tôt möhte an mir wol hie
        büezen swaz er ie getete,
        und gewerte mich einer bete,
        daz er mich lieze varn mit dir.
        waz sol ich, swenne ich dîn enbir?
1467 waz sol mir guot unde lîp?
[ zurück ]