einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3479 dâ des landes herre,ein rîcher grâve, ûfe saz. nû wâren si beide âne maz alle die naht geriten und hâten kumber erliten. 3484 des hûses wâren si vrô, wande si gedâhten dô dâ ze ruowen über tac in einem markte der dar under lac. si begunden hin gâhen 3489 dâ si den market sâhen. nû bekam in ûf dem wege ein knabe, der hete in sîner phlege gesoten schultern unde brôt, gewunden, als man im gebôt, 3494 und bewart ze vlîze in eine tweheln wîze: ein kandel vuorte er an der hant mit wîne. wem diz wart gesant, des enist mir niht geseit. 3499 dô dirre knabe zuo reit, |