Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7088 gelîche lanc gewahsen,
        mit rîchen loupvahsen,
        mit wol zebreiten esten.
        den vil lieben gesten
        betten si dar under,
7093 under eine besunder
        Êrecke und vrouwen Ênîten,
        die ze manegen zîten
        bî ein ander niht lâgen
        noch geselleschefte phlâgen
7098 mit slâfe und mit mazze.
        dem unbescheiden hazze
        wart ein ende gegeben
        und kurn in ein bezzer leben.
        dem wirte betten sî
7103 under die næhsten dâ bî,
        diu selbe stuont enmitten,
        den rittern under die dritten.
        "nû sage waz wære ir bettewât?"
        entriuwen, als ez der walt hât,
7108 schœnez loup und reinez gras,
[ zurück ]