Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7918 diz hûs ist sô wünneclich
        und alsô schœne daz ich
        ûzen dar an kiuse wol,
        ist ez etewes innen vol
        daz man sol gerne schouwen,
7923 ez enist niht âne vrouwen.
        ich wil daz hûs erkunnen:
        des sult ir mir wol gunnen."
        "mirst leit daz ich ius gunnen sol.
        wê dan sô irz bevindet wol!"
7928 "waz meinet ir, künec Guivreiz?"
        "ich enmeine niht wan daz ich weiz."
        "durch got, nû saget waz?"
        "nû kêret wider. daz kumt uns baz."
        "mich wundert waz ir meinet."
7933 "ez wirt iu wol bescheinet,
        und welt ir niht erwinden."
        "ich muoz ez benamen ervinden.
        ez enist niht wirsers dan der tôt."
        "sô kumt ir lîhte in die nôt
7938 die iuwer vriunt niht mugen verklagen."
[ zurück ]