einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2325 vor al der werlde wol bewarn.nû hetez diu maget alsus ervarn. war er die tavel leite, daz ersach si vil gereite. Dô sîn klage ein ende nam,2330 diu maget vil harte schiere kam zuo ir vrouwen unde sprach: 'vrouwe, waz ist der ungemach dâ von mîn herre trûret sô, daz ir mit im niht sît unvrô?'2335 diu vrouwe sprach: 'waz meinestû? jâ schiet er niuwelichen nû von uns vil vrœlichen hie: waz möhte er, sît er von mir gie, vernomen hân der mære2340 dâ von er trûric wære? wære im selhes iht gesaget, daz enhete er mich niht verdaget. im enist ze weinen niht geschehen: dû hâst entriuwen missesehen.'2345 'vrouwe, leider ich enhân. |