einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1253 ob dich des kindes tôt ernert. swaz dir got hât beschert, daz lâ allez geschehen. ich enwil des kindes tôt niht sehen.< Des bewac er sich zehant 1258 und begunde bôzen an die want; er hiez sich lâzen dar in. der meister sprach: >ich enbin nû niht müezic dar zuo daz ich iu iht ûf tuo.< 1263 >nein, meister, gesprechet mich.< >herre, jâ enmac ich. beitet unz daz diz ergê.< >nein, meister, sprechet mich ê.< >nû saget mirz her durch die want.< 1268 >ja enist ez niht alsô gewant.< zehant liez er in dar in. dô gienc der arme Heinrich hin dâ er die maget gebunden sach. zuo dem meister er dô sprach: 1273 >diz kint ist alsô wünneclich, |