einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1272 zuo dem meister er dô sprach: >diz kint ist alsô wünneclich, zewâre, jâ enmac ich sînen tôt niht gesehen. gotes wille müeze an mir geschehen! 1277 wir suln si wider ûf lân. als ich mit iu gedinget hân, daz silber daz wil ich iu geben. ir sult die maget lâzen leben.< daz hôrte vil gerne 1280b der meister von Salerne unde volgete im zehant; die maget er wider ûf bant. Dô diu maget rehte ersach daz ir ze sterbenne niht geschach, 1283 dâ was ir muot beswæret mite. si brach ir zuht und ir site. si hete leides genuoc; zuo den brüsten si sich sluoc, si zarte unde roufte sich. 1286 ir gebærde wart sô jæmerlich |