Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7600 diu erde von den vieren
        stuont mit ir tieren,
        swaz eht der dehein man
        in sînem muote erkennen kan
        an walde oder an gevilde,
7605 zam oder wilde:
        dâ stuonden tier in iegelîcher schaft,
        geworht von selher meisterschaft
        sam si wolden sprechen
        und bildes reht brechen.
7610 dâ bî daz mer swebete:
        dar inne sam er lebete
        der visch, bî dem besunder
        elliu merwunder
        und swaz dâ bûwet des meres grunt.
7615 wer tæte mir der namen kunt?
        welt ir si gerne erkennen
        und kunnen genennen,
        dar zuo suochet iu einen man
        der si iu wol genennen kan:
7620 vindet ir des danne niht,
[ zurück ]