einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7614 und swaz dâ bûwet des meres grunt.wer tæte mir der namen kunt? welt ir si gerne erkennen und kunnen genennen, dar zuo suochet iu einen man 7619 der si iu wol genennen kan: vindet ir des danne niht, daz ouch vil lîhte geschiht, sô volget mînem râte und machet iuch ûf drâte, 7624 vart selbe zuo dem mer: dâ vindet ir inne des ein her. gât an daz stat stân unde bitet si gân ûz ze iuch an den sant: 7629 dâ werdent si iu erkant. hilfet danne daz niht, daz aber lîhte geschiht, sô suochet selbe den grunt: dâ werdent si iu danne kunt 7634 mit grôzem schaden, mit lützelm vrumen. |