Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

342 deheiner slahte gelimph,
      wan er mir niht von herzen gât.
      mîn schimph mir alsô ane stât
      daz alle die beginnent jehen
      die mich ê hânt gesehen,
347 so ich alsô ungefüege bin,
      ich habe verwandelt den sin
      und ich sî worden unfruot.
      so enwizzen sî waz ez mir tuot
      und daz sich mûtiert mîn muot
352 rehte alsô des meres fluot.
      sô daz der ober wint verlât
      und ez mit ganzen ruowen stât
      und dar ûf guot ze wesen ist,
      sô kumet ez vil lîhte in kurzer frist
357 daz sich beweget der grunt
      - daz ist allen den wol kunt
      die dâ mite gewesen sint -
      und hebet sich ûf von grunde ein wint
      - daz heizent sî selpwege -
362 und machet grôze ündeslege
[ zurück ]