einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage813 dû weist wol daz du ie wæreein rehter slîchære; vil lêre ich an dir verlôs, ich züge dich als lîhte muoterlôs. ziph, welch ein hövescher lîp!818 welchen tiuvel hæte ein wîp selher wîs an dir ersehen daz sî dir liebe lieze geschehen? Sich, lîp, mir ist alsô wê sam dem bluomen under dem snê823 der in dem merzen ûf gât, wan er niht ganzer helfe hât dannoch von der sumerzît. er duldet manigen herten strît von des winters gewalt;828 er tuot im dicke ze kalt, unde sô er wære schœne, ob in verbære des winters meisterschaft, sô benimt er im sîne kraft,833 und trîbet in von sînem rehte |