Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3845 wan iu der rede unnôt geschiht.
        ez was zewâre mîn wân,
        ir hetet die rede durch schimph getân.
        wan ez ist iuwer manne site
        daz ir uns armiu wîp dâ mite
3850 vil gerne trieget
        - ich getar niht sprechen: lieget -,
        daz ir uns vil ze guote
        geheizet wider iuwerm muote:
        dâ von ich dicke hân gesehen
3855 wîben michel leit geschehen.
        hæte ich niht ervorht daz,
        ich hæte iu gantwurtet baz,
        wan ich, herre, niene bin
        iedoch sô gar âne sin,
3860 und möhte ich mîne sache
        ze êren und ze gemache
        verwandeln, daz entæte ich.
        wan mîn leben ist sô kumberlich,
        als irz selbe habet gesehen.
3865 vil rehte wil ich iu bejehen
[ zurück ]