einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4287 dâ zuo den brüsten er scheinkreftic unde dic genuoc. dar under er ein herze truoc volleclîche manhaft. daz gap im ouch die kraft, 4292 wan dâ stât ez allez an: und wizzet rehte, wære ein man gewahsen zwelf klâfter lanc und wære sîn herze kranc und ûf zageheit geborn, 4297 daz michel âs wære verlorn. sus enwas dem herren niht. wir müezen sîner geschiht ein michel teil verdagen. man möhte vil dâ von gesagen, 4302 wan daz der rede dâ würde ze vil: dâ von ich iu si kürzen wil. ez hâte der herre guot gelücke unde rîchen muot unde hâte unverzaget 4307 den prîs an manegem man bejaget: |