Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

5466 doch wil ich iu zewâre sagen,
        daz enmöhte ich niht verdagen,
        hât dirre man ritters namen,
        sô möhtet ir iuch immer schamen
        daz er des niht geniuzet
5471 und iuch niht bedriuzet
        der grôzen unvuoge.
        jâ hât er zuht genuoge
        emphangen, swaz er hât getân:
        muget ir in durch got lân?"
5476 der michel man sus wider sprach:
        "dîn klaffen ist mir ungemach:
        erlâ mich dîner vrâge.
        dû setzest enwâge
        dînen lîp vil sêre.
5481 möhte ich an dir dehein êre
        begân oder deheinen ruom,
        ich zebræche dich als ein huon.
        waz vrumet im dîn vrâge?
        nû nim dir in ze mâge
5486 und hilf im: dest im nôt genuoc."
[ zurück ]