einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9866 unde die sîneûf ir ros von rabîne, sô si si heten beste, und kondewierten die geste von dem hûs genuoc verre. 9871 sô bat si Êrec der herre mit heile dâ belîben. dan reit er mit den wîben und brâhte si ze hûse dem künege Artûse. 9876 dar was er michel willekomen, und wart des guot war genomen daz si sô gelîche wâren gekleit und ze pherden bereit, und begunden des von schulden jehen 9881 daz si nie hæten gesehen deheine seltsænern schar, sô manege vrouwen in einer var. und die dar umbe niht westen, die vrâgeten von den gesten 9886 wiez umbe si wære gewant, |