Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2015 her ûz justierte wider in,
        den vuorte er ie gevangen hin
        ze der burgære gesihte
        und envorhte si ze nihte.
        des hete er alles vil getriben
2020 daz in niemen was beliben
        der in bestüende mêre:
        doch versuochte erz dicke sêre.
         Nu erschamte sich Grêgôrius,
        daz in ein man alsus
2025 hete geleit ein michel her
        âne aller slahte wer.
        dô gedâhte er dicke dar an:
        'nû sihe ich dicke daz ein man
        der zabel sêre minnet,
2030 swenne er daz guot gewinnet
        daz er ûf zabel wâgen wil,
        vindet er danne ein glîchez spil,
        sô dunket er sich harte rîch:
        und istz joch ein teil ungelîch,
2035 er bestâtz ûf einen guoten val.
[ zurück ]