Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5046 dô in daz ors vür truoc,
        dô sluoc im der rise einen slac,
        daz er dâ gar gestrahter lac
        vor ûf dem orse vür tôt.
        do ersach der lewe sîne nôt
5051 und lief den ungevüegen man
        vil unsitelîchen an
        und zart im cleit unde brât
        als lanc sô der rücke gât
        von den ahseln her abe,
5056 unz daz der michel knabe
        als ein ohse erluote,
        und wante die ruote
        die er dâ ze wer truoc.
        und dô er nâch dem lewen sluoc,
5061 dô entweich im der lewe dan,
        und entraf den lewen noch den man.
        im wart zuo dem slage sô gâch
        daz er sich neicte darnâch
        und ouch vil nâch dernider lac:
5066 ê er erzüge den andern slac,
[ zurück ]