Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5843 und sluoc mir zwei mîniu kint:
        und vieriu, diu noch lebende sint,
        diu heter mir gevangen
        und woldes hân erhangen.
        ich was eht niuwan sîn spot.
5848 dô sante mir in got,
        daz er mich an im rach.
        er sluoc in, daz ichz ane sach,
        hie vor mîn selbes bürgetor:
        dâ lît noch sîn gebeine vor.
5853 er schuof mir michel êre:
        got pflege sîn swar er kêre.'
         Der mære vreute sich diu maget.
        sî sprach 'lieber herre, saget,
        dô er hie von iu ledec wart,
5858 wizzet ir war dô sîn vart
        wurde? des bewîset mich.'
        er sprach 'vrouwe, nein ich,
        deiswâr, und ist mir daz nû leit.
        aber ûf ten wec den er dâ reit,
5863 dar wîs ich iuch morgen vruo.
[ zurück ]