einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein7484 dô wonte under in zweinliebe bî leide. sî vreuten sich beide daz sî zesamne wâren komen: daz ir ietweder hete genomen7489 des andern dehein arbeit, daz was ir beider herzeleit. beide trûren unde haz rûmden gâhes daz vaz, und rîchseten dar inne7494 vreude unde minne. daz erzeicten sî wol under in: diu swert wurfen sî hin unde liefen ein ander an. ezn gelebete nie dehein man7499 deheinen lieberen tac, und enweiz joch niht ob iemen mac alsô lieben geleben als in dâ got hete gegeben. sî underkusten tûsentstunt7504 ougen wangen unde munt. |