Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

620 wan sî lônet harte wol.
      Swer ir ingesinde wesen wil,
      der bedarf selhes muotes vil
      daz er gedenke dar zuo
      wie er mêre guotes getuo
625 dan er dâ von gespreche:
      sîn triuwe durch nieman breche;
      milte unde manheit
      ist ir ze dienste niht leit;
      sînen lîp habe er schône
630 nâch der minne lône,
      er sî zühticlîchen balt.
      die tugent hân ich dir vor gezalt
      dâ mite dû erwerben solt
      daz dir die frouwen wesen holt.
635 Dû muost mit herten dingen
      nâch ir hulden ringen.
      beide sêle unde lîp
      muoz man wâgen durch diu wîp,
      swer sô lônes an sî gert.
640 er ist sîn anders ungewert.

[ zurück ]