einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec407 in dise armuot geleit:ez was von urliuge komen. im hete diu überkraft genomen allez daz er ie gewan. sô vil was dem rîchen man 412 grôzer êren niht verlân daz er einen kneht mohte hân. nû truoc er dise armuot und diu hûsvrouwe guot in ir alter mit listen: 417 und swâ si der habe misten, ir nôt si bedahten mit zühten swie si mahten, daz mans iht würde gewar. daz ouch ir ie alsô gar 422 diu armuot oberhant gewan, daz weste lützel ieman. dem wirte was diu arbeit die er von grôzer armuot leit dâ wider süeze als ein mete 427 dâ engegen und im diu schame tete. |