Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

1302 ob diz wære volbrâht,
         sô wære im der lîp genesen,
         und müese ich iemer sælic wesen.<
         Sus bat si gnuoc umbe den tôt.
         do enwart ir nie dar nâch sô nôt,
1307 sine verlüre gar ir bete.
         dô nieman durch si niht entete,
         dô huop si ein schelten.
         si sprach: >ich muoz engelten
         mînes herren zageheit.
1312 mir hânt die liute misseseit,
         daz hân ich selbe wol ersehen.
         ich hôrte ie die liute jehen,
         ir wæret biderbe unde guot
         und hetet vesten mannes muot;
1317 sô helfe mir got, si hânt gelogen.
         diu werlt was ie an iu betrogen;
         ir wâret alle iuwer tage
         und sît noch ein werltzage.
         des nim ich wol dâ bî war:
1322 daz ich doch lîden getar,
[ zurück ]