Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Erec

8608 als man rîcher künege sol.
        des wurden schône unde wol
        gêret dise geste drî.
        Guivreiz der künec dâ bî
        in einer kemenâten lac
8613 dâ man sîn wol ze rehte phlac.
        Êrec und vrouwe Ênîte
        hâten guote zîte
        dâ si ensamet lâgen
        und guoter minne phlâgen
8618 unz in erschein der morgen.
        manlîcher sorgen
        was sîn herze niht gar vrî,
        wan man wil daz er niht sî
        gar ein vollekomen man
8623 der im niht vürhten kan,
        und ist zen tôren gezalt.
        ez enwart nie herze alsô balt,
        im enzæme rehtiu vorhte wol.
        swie gerne ein man daz vürhten sol
8628 dâ von sîn lîp en wâge stât,

[ zurück ]