Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

4298 unde ouch umb sîn nâch jagen.
        sî vorhten daz sî daz wîp
        verlürn, und dâ zuo er den lîp;
        wand er niht wider wolde komen,
        ern ervüere wie sî wære genomen.'
4303 Nû was im daz mære
        durch sînen gesellen swære.
        er sprach 'nû müez in got bewarn.
        vrouwe, ich muoz von hinnen varn
        und mich bereiten dar zuo.
4308 und wartet mîn morgen vruo:
        ich kume ze guoter kampfzît.
        und alsô hövesch sô ir sît,
        sone saget niemen wer ich sî.
        deiswâr ich slahe sî alle drî,
4313 ich hilfe iu von dirre nôt,
        od ich gelige durch iuch tôt.'
         Sî sprach 'lieber herre,
        sô stüende iuch al ze verre
        ze wâgen ein als vorder lîp
4318 umb ein alsus armez wîp.

[ zurück ]