Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6327 und lît von hinnen verre.
        des selben landes herre
        gewan den muot daz er reit
        niuwan von sîner kintheit
        suochen âventiure:
6332 und von des weges stiure
        leider uns sô kam er
        rehte alsam ouch ir dâ her,
        und geschach im als ouch iu geschiht.
        wan dâne ist widerrede niht
6337 irn müezet morgen vehten
        mit zwein des tiuvels knehten.
        die sint alsô manhaft,
        und hetet ir sehs manne kraft,
        daz wære ein wint wider in.
6342 got eine mac iu helfen hin,
        ob er imz enblanden wil:
        wand im ist nihtes ze vil:
        ezn kan ouch âne in niht geschehen.
        wir müezen morgen an iu sehen
6347 den jâmer unz an dise vrist
[ zurück ]