Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7946 dise selben reise.
        ouch enist dehein freise
        ir enmöhtent si mich wizzen lân:
        und wære si danne sô getân
        dar umbe ich solde erwinden,
7951 daz lieze ich an mir vinden."
        "her künec", sprach Guivreiz,
        "ich sagez rehte als ichz weiz:
        diu vreise ist niht ze ringe,
        und ûf daz gedinge
7956 als iuwer munt gesprochen hât,
        daz ir dise reise lât,
        sô wil ich iuchz wizzen lân.
        diz hûs heizet Brandigân,
        und ist vil manec ritter guot
7961 durch sînen genendigen muot
        ûf âventiure her komen,
        die alle dar an hânt genomen
        schaden zuo den schanden,
        die besten von allen landen.
7966 des ist nû gewesen lanc
[ zurück ]