einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1409 daz si gesunt wâren. si enwesten wie gebâren, dô si dar solden gâhen dâ si si muosen emphâhen. ir gruoz wart spæhe undersniten 1412 mit vil seltsænen siten: ir herzeliebe wart alsô grôz daz in daz lachen begôz der regen von den ougen; der rede ist unlougen. 1417 si kusten ir tohter munt etewaz mê dan drîstunt. do emphiengen in die Swâbe mit lobelîcher gâbe; daz was ir willeclîcher gruoz. 1422 got weiz wol, den Swâben muoz ieglich biderbe man jehen, der si dâ heime hât gesehen, daz bezzers willen niene wart dan als in an der heimvart 1427 sîn lantliut emphienge. |