einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein7967 diu mich dâ ûz gesendet,sô hân ich iu verendet die rede alsô verre daz ir aber mîn herre werden sult in kurzer vrist,7972 alse sî mîn vrouwe ist.' Hie was grôz vreude von in zwein. done wart mîn her Îwein vordes nie alsô vrô. von grôzen vreuden kuster dô7977 sîner juncvrouwen munt hende und ougen tûsentstunt. er sprach 'ir habt bescheinet vil wol wie ir mich meinet. ich vürhte sêre, und ist mîn clage,7982 daz mir des guotes ode der tage ode beider zerinne ê ich die grôzen minne ze rehte umb iuch verschulden müge als ez dem dieneste tüge7987 den ir mir nû habt getân.' |