Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2255 in swelhem werde ein junger man
        in den êrsten jâren stât,
        daz er daz immer gerne hât.
        er vorhte den langen itewîz.
        deste grœzeren vlîz
2260 gâben sîne ræte
        wie erz dâ wol getæte.
        dô enwas er niht sô rîche
        daz er volleclîche
        mohte mit dem guote
2265 volziehen sînem muote.
        swaz aber im des gebrast,
        daz meinte daz er dâ was gast:
        sîn lant was im verre,
        Artûs der herre
2270 gap im swaz er vor gesprach.
        doch was er im dar an gemach
        daz es in iht bevilte.
        er entweich sîner milte
        mit bete swâ er mohte,
2275 als sîner schame tohte.
[ zurück ]