Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2412 wan den turnierens wol gezam.
        alsô dô vür kam
        vil kûme mitter tac,
        Êrec fil de roi Lac
        der wâfente sich sâ
2417 ê iemen anderswâ,
        daz er die êrsten tjost næme
        und in vür kæme,
        swâ er des state vunde.
        nû wâren ouch zer stunde
2422 vür komen ûf den selben muot
        gesellen zwêne, ritter guot:
        und als si in gesâhen,
        zuo im begunden si gâhen
        ûf vil gewissen sin.
2427 der ein tjostierte wider in:
        den selben er von dem rosse stach.
        dem andern alsam geschach.
        ir rosse er niene ruochte,
        wan daz er vürbaz suochte
2432 ritterschefte mêre.
[ zurück ]