einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4735 Keiîn, der schalchafte man,ime vaste nâch lief: lûte er in ane rief: "nein, ritter vil guot! durch dînen tugenthaften muot 4740 daz mir daz ros hie bestê! oder ich muoz es immer mê geswachet und gehœnet sîn. jâ enist ez weizgot niht mîn." dô kêrte der guote 4745 mit lachendem muote und vernam sîne klage. er sprach: "ritter, nû sage, wie bistû genant? unde tuo mir erkant 4750 dises rosses herren. ez enmac dir niht gewerren: ich wil wizzen dînen namen. dû endarft dich niht sô sêre schamen. ez ist geschehen manegem man 4755 der doch nie zagen muot gewan." |