einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec889 noch die arme alsô geregenals si tâten unze dar. nû hâten si sich alsô gar erwüetet und ervohten daz si niht mêre mohten. 894 ir slege wîplîchen sigen: sô garwe wâren si erwigen daz dâ von niht schade geschach. Îdêrs dô ze Êrecke sprach: "enthalt dich, edel ritter guot. 899 wir velschen beide ritters muot dâ mit und wir ie mitten tuon: ez ist sunder prîs und âne ruom. unser blœdez vehten gezimt niht guoten knehten. 904 unser slege gânt niht manlîchen, wir vehten lasterlîchen. obz iuwer muot niht vervât vür zageheit, sô ist mîn rât, daz wir diz blœde vehten lân 909 und eine wîle ruowen gân." |